Xalid Quliyev: Uğurla icra edilir

Siyasət

13:20, 02 июнь 2023

Sumqayıt “Sukanal” İdarəsinin rəisi Xalid Quliyev - Azərbaycan 44 günlük Vətən müharibəsində parlaq Qələbə qazanmaqla bütün dünyaya dövlətimizin qüdrətli və sarsılmaz dövlət olduğunu sübut etdi. Ölkə Prezidenti İlham Əliyevin təşəbbüsü ilə həyata keçirilən “Böyük Qayıdış” proqramı çərçivəsində işğaldan azad edilmiş doğma torpaqlarımıza vətəndaşlarımız böyük sevgi və coşqu ilə qayıdırlar. Ölkə başçısı tez-tez azad olunan dədə-baba torpaqlarımıza səfərlər edir, orada görülən bərpa-quruculuq işləri ilə yaxından tanış olur. Ona görə ki, işğaldan azad olunan torpaqların dirçəldilməsi və doğma Qarabağın cənnətə çevrilməsi dövlət siyasətinin prioritet istiqamətlərindən biridir. İşğaldan azad olunan doğma rayonlarımızdan biri də Laçındır. Məlum olduğu kimi, Laçın rayonu 1992-ci ilin mayında erməni işğalına məruz qalmışdı. 30 ilə yaxın müddətdə işğalda olan əzəli yurdumuz məhz cənab Prezidentimizin müdrik dipomatiyası nəticəsində Üçtərəfli Bəyanata əsasən düşməndən geri alındı. Vətən müharibəsində əldə etdiyimiz parlaq Qələbə və müharibədən sonrakı yəni, postmüharibə dövründə qazandığımız diplomatik uğurlar Azərbaycan tarixinin səhifələrinə qızıl hərflərlə həkk olundu. Mayın 28-də Azərbaycan Respublikasının Prezidenti İlham Əliyev növbəti dəfə Laçına səfər edib, Laçın şəhərinə qayıdan əhali ilə görüşüb, evlərin açarlarını onlara təqdim edib. Müstəqillik Günü ərəfəsində Prezidenti İlham Əliyevin tarixi torpaqlarımıza səfər etməsinin tarixi mənası vardır. Azərbaycanın ərazi bütövlüyü təmin olunub və müzəffər xalqımız üçün əbədi qürur duyulacaq hadisədir. Dövlətimizin başçısı görüşdə çıxış edib, bir sıra xüsusi tarixi məsələri diqqətə çatdırıb. Bu gün Laçın şəhərinin yeni siması müstəqilliyimizin nə qədər güclü olmasını bir daha göstərir. Çünki cəmi 7-8 ay ərzində şəhərin böyük hissəsi tamamilə yenidən qurulub və sizin sərəncamınıza verilir. İlk 20 ailə artıq dünəndən Laçında yerləşibdir və iyun ayının sonuna qədər əlavə bir çox ailələr gələcək. Beləliklə, birinci mərhələdə Laçında 4 minə yaxın, bəlkə də çox insan yaşayacaqdır. Bütövlükdə 7-8 ay ərzində 700 bina inşa edilib, onlardan 620-si fərdi yaşayış binası, 9 çoxmənzilli bina və orada 144 mənzil hazırlanıbdır. Beləliklə, artıq 764 ailə Laçın şəhərində yaşaya bilər. Amma bu, hələ tam proqramımız deyil. Laçın şəhərinin Baş planı hazırlanıb və bu gün təqdim ediləcək.
Düşmən işğal müddətində bizim əzəli torpaqlarımızda demək olar ki, bütün sahələr üzrə vandalizm siyasəti həyata keçiriblər. Üç onilliyi əhatə edən işğal dövründə Ermənistan və bir sıra xarici şirkətlər, həmçinin Azərbaycan ərazilərində qanunsuz iqtisadi fəaliyyətlə məşğul olmaqla da təbii sərvətlərimizi talayıblar. O cümlədən Kəlbəcərdə Söyüdlüdə, Zəngilanda Vejnəlidə, başqa yerlərdə respublikamızın qızıl yataqları xarici şirkətlər tərəfindən istismar edilib. Təbii ki, onlar beynəlxalq məhkəmə qarşısında cavab verməli, dəyən ziyanı təzminat formasında ödəməlidirlər. Görünən odur ki, bu gün beynəlxalq ədalət deyil güc əsas amil kimi rol oynayır. Hazırda Ermənistan Azərbaycanın təklif etdiyi 5 baza prinsipindən ibarət sülhü qəbul etməli və əsl tarixi həqiqəti təsdiq etməlidir. Əks təqdirdə cənab Prezident Laçına səfəri çərçivəsində qeyd etdiyi kimi olacaq. Biz harda istəsək sərhəd də orada olacaq. Hesab edirəm ki, bu söz Ermənistan siyasi rəhbərliyi üçün verilmiş xüsusi mesajdır. Ya davamlı sülhə gələcəklər, ya da öz məkirli planlarının qurbanına çevriləcəklər. Cənab Prezident Şanlı Zəfərdən ibarət tarixi ensiklopediya yazır. Bu ensikolpediyada təbii ki, ümumilkdə Cənubi Qafqaza aid bölmə də yer alıb. Əgər Ermənistan bu tarixin səhifələrində sülh və humanizm prinsipinə əsaslanan, tarixi ədaləti və reallığı qəbul edən xalq kimi yer almaq istəyirsə Azərbaycanın təklif etdiyi ədalətli və beynəlxalq normalara uyğun olan sülhü qəbul etməlidir.

Ctrl

Enter

Mətndə səhv var?

Mətni seçin və Ctrl+Enterdüyməsini sıxın