Valideyn bu bağçadan ŞİKAYƏT ETDİ: “Uşaqlara yavan çörək verilir”

Vətəndaş Qaradağ rayonu Lökbatan qəsəbəsi Vüqar Əsədov adına bağçanın direktoru Əsli Alıyevadan narazıdır. 


Ötən ilin 20 iyun tarixində valideyn şikayət etmişdir. Redaksiyamıza yenidən həmən bağçaya gedən valideyndən şikayət daxil olub. Bağçanın müdiri Əsli xanım bu qınağa məhəl qoymayaraq yenə də uşaqlara yaban çörək yedizdirir.
“Uşaqlara səhərlər yavan çörək verilir. Günorta yeməyində isə sadəcə şorba verilir ki, tərkibində düyü və kök olur. Mən uşağımı səhər evdə yedirib, sonra bağçaya aparıram ki, orada ac qalmasın”., deyə valideyn bildirib.
Valideyn deyir ki, bağçada uşaqlardan hər ay pul da yığılır:“Aylıq bağçaya 20-50 manat civarında veririk. Hər ay salfet və yuyucu vasitə üçün uşaqların hər birindən əlavə iki manat yığılır. Uşaqlar o salfetlərdən heç istifadə etmirlər. Eyni zamanda, bağçaya gələn yataq dəstlərini “QAZel”lərə yükləyib satışa göndərirlər”. 
Qarşı tərəfin mövqeyini dərc etməyə hazırıq.