Ümummilli Lider Heydər Əliyevin Azərbaycanda ilk dəfə siyasi hakimiyyətə gəlişinin 54-cü ildönümünə həsr olunmuş “14 iyul 1969- cu il: Müstəqil və qüdrətli Azərbaycanın təməlinin qoyuldyğu gün” mövzusunda tədbir keçirildi

Binəqədi Rayon İcra Hakimiyyəti və Yeni Azərbaycan Partiyası Binəqədi rayon təşkilatının birgə təşkilatçılığı ilə Ümummilli Lider Heydər Əliyevin Azərbaycanda ilk dəfə siyasi hakimiyyətə gəlişinin 54-cü ildönümünə həsr olunmuş “14 iyul 1969- cu il: Müstəqil və qüdrətli Azərbaycanın təməlinin qoyuldyğu gün” mövzusunda tədbir keçirildi.
Tədbirdən öncə Ulu Öndər Heydər Əliyevin abidəsi önünə gül dəstələri qoyuldu və əziz xatirəsi ehtiramla yad edildi. Daha sonra Ulu Öndərin fəaliyyət dövrlərini özündə əks etdirən sərgiyə baxış keçirildi.
Tədbir iştirakçıları ulu öndər Heydər Əliyevin və şəhidlərimizin əziz xatirəsini bir dəqiqəlik sükutla yad etdilər.
Tədbiri giriş nitqi ilə açan Yeni Azərbaycan Partiyası Binəqədi rayon təşkilatının sədri Vüsar İsmayılov bildirdi ki, 1969-cu il 14 iyul Azərbaycanın tarixində müstəsna əhəmiyyəti olan bir tarixi gündür. Çünki həmin tarixdən başlayaraq Ulu Öndər, dahi şəxsiyyət Heydər Əliyevin rəhbərliyi ilə respublikamızın həyatının bütün sahələrində köklü islahatlar reallaşdırıldı və ölkəmiz sürətlə inkişaf etməyə başladı. Azərbaycanın üzləşdiyi problemlər, çətinliklər uğurlu siyasi strategiyanın həyata keçirilməsi ilə aradan qaldırıldı, respublikasımız və xalqımız nicat yoluna qədəm qoydu.  Dünya azərbaycanlılarının Lideri Heydər Əliyevin həyatının əsas qayəsi doğma Azərbaycan və Azərbaycan xalqı olub. Bütün varlığı ilə elinə-obasına bağlı olan müdrik rəhbər yalnız vətənini, xalqını firavan, xoşbəxt görmək arzusu ilə yaşayıb, mübarizə aparıb, mücadilələr verib, hətta həyatını belə qurban verməkdən çəkinməyib. Azərbaycan xalqının demokratik-hüquqi dövlətdə yaşamaq idealının real və dayanıqlı əsaslar üzərində gerçəkləşərək əbədiləşməsi də çağdaş tariximizin unudulmaz dühası - ümummilli lider Heydər Əliyevin adı ilə bağlıdır.
Sonra Yeni Azərbaycan Partiyası İdarə Heyətinin üzvü, Azərbaycan Dövlət İqtisad Universitetinin və Rusiya Hökuməti yanında Sankt Peterburq Dövlət Maliyyə Universitetinin professoru, iqtisad elmləri doktoru Elnur Sadıqov məruzə nitqi ilə çıxış edərək vurğuladı ki, ulu öndər Heydər Əliyevin xalqımızın taleyində oynadığı misilsiz rolu hər zaman ehtiramla xatırlanmalı və gələcək nəsillərə ötürülməlidir. Ümummilli lider Heydər Əliyevin hakimiyyətə gəlişi ilə Azərbaycan dövlətçiliyi böyük təhlükələrdən xilas oldu, ölkənin ictimai-siyasi, sosial-iqtisadi, elmi-mədəni həyatında, xarici əlaqələrində əsaslı dönüş yarandı, ciddi uğurlara imza atıldı.
Tədbirdə növbəti məruzəçi Bakı şəhəri üzrə Təhsil İdarəsinin müdir müavini Hüseyn Əsgərov 14  iyul 1969-cu il tarixinin əhəmiyyətindən danışdı. Müasir Azərbaycan tarixinin dönüş mərhələsini təşkil edən bu tarixin ulu öndər Heydər Əliyevin Azərbaycana rəhbərlik etdiyi böyük bir dövrün başlanğıcı olduğunu nəzərə çatdıran natiq Ümummilli Liderin Azərbaycan Kommunist Partiyasının Mərkəzi Komitəsinin birinci katibi seçilməsi ilə Azərbaycanın gələcək inkişafının fundamental strateji istiqamətlərinin müəyyənləşdirildiyini qeyd etdi.
Binəqədi Rayon İcra Hakimiyyəti başçısının müavini Sevinc Süleymanova  ulu öndər Heydər Əliyevin xilaskarlıq missiyasının xalqımız üçün sonsuz qürur və iftixar olduğunu  bildirdi. Ulu öndər Heydər Əliyevin fəaliyyətinin hər bir məqamı xalqımızın ümummilli maraqlarına xidmət edib. Ümummilli Lider Azərbaycan dövlətinin və xalqının təhlükəsizliyi, inkişafı, tərəqqisi, bütövlüyü, dünyadakı nüfuzunun artırılması, haqlı mövqeyimizin təbliğatı uğrunda fədakarcasına çalışıb. Bu gün ölkəmizdə aparılan uğurlu islahatların əsası məhz ulu öndər Heydər Əliyevin  siyasi kursunun məntiqi davamıdır.
Tədbirin sonunda rayonun və Yeni Azərbaycan Partiyası Binəqədi rayon təşkilatının ictimai həyatında fərqlənən bir qrup şəxs Fəxri fərmanla təltif edildi.

Binəqədi Rayon İcra Hakimiyyətinin başçısı Elxan Allahverdiyevin 9-cu mikrorayon sakinləri ilə səyyar qəbulu keçirildi

Binəqədi Rayon İcra Hakimiyyətinin başçısı Elxan Allahverdiyevin 9-cu mikrorayon sakinləri ilə səyyar qəbulu keçirildi.
Görüşdə YAP Binəqədi Rayon Təşkilatının sədri Vüsar İsmayılov, Rayon İcra Hakimiyyəti başçısının müavinləri, Aparatın məsul şəxsləri, bələdiyyə, sahə inzibati ərazi dairəsi üzrə nümayəndəliyin, xidmət sahələrinin rəhbərləri iştirak edirdilər.
Rayon İcra Hakimiyyəti başçısı ölkə rəhbərinin tapşırıq və tövsiyələri əsasında respublikamızda aparılan sosial-iqtisadi islahatlar, əhalinin rifah halının yüksəlməsi istiqamətində görülən işlər barədə vətəndaşlara ətraflı məlumatlar verdi.  Qəsəbə  sakinləri bundan öncəki görüşlərdə qaldırılmış problemlərin müsbət həlli ilə bağlı dövlət başçısına öz təşəkkürlərini bildirdilər.
Daha sonra RİH başçısı Elxan Allahverdiyev görüşdə iştirak edən sakinlərin M. Cəlal küçəsi 105 saylı ünvan ərazisində sahibsiz küçə heyvanlarının yığışdırılması, M. Cəlal küçəsi 31 saylı ünvan ərazisində işıq dirəklərində lampaların dəyişdirilməsi, M. Cəlal küçəsi 41 saylı ünvanda binanın girişlərinin dezinfeksiya olunması, H.Babaşov ünvanında sakinlərin istifadəsinə verilməsi nəzərdə tutulan “ABAD” həyətdə işlərin başa çatdırılmaması, H.Babaşov 16 saylı binada liftlərin yenisi ilə əvəz olunması,  Adil Məmmədov 119 saylı ünvanda yerləşən (85 saylı avtobusun son dayanacağı) dayanacaqda (Bakı Kart) kartların yüklənməsi üçün aparatların qoyulması, 144 saylı məktəbin stadionun təmir-bərpa olunması, M. Cəlal küçəsi 63 saylı ünvanın yaxınlığında uşaq meydançasının salınması ilə bağlı müraciətlərini dinlədikdən sonra qaldırılan məsələlərin həlli istiqamətində müvafiq tədbirlərin görülməsi ilə əlaqədar aidiyyəti qurumlara müvafiq tapşırıqlar verdi.

Binəqədi Rayon İcra Hakimiyyətinin başçısı Elxan Allahverdiyevin 8-ci mikrorayon sakinləri ilə səyyar qəbulu keçirildi

Azərbaycan Respublikasının Prezidenti İlham Əliyevin vətəndaşların qəbulu və müraciətlərinə baxılması işinin daha da yaxşılaşdırılması ilə bağlı qarşıya qoyduğu tapşırıqların icrası məqsədilə 12 iyul 2023-cü il tarixində Rayon İcra Hakimiyyətinin inzibati binasında növbəti dəfə vətəndaşların fərdi qəbulu keçirildi.
Rayon İcra Hakimiyyətinin başçısı Elxan Allahverdiyev rayon sakinlərinin müraciətlərini dinlənilərək onlar tərəfindən qaldırılan məsələlərin qanunamüvafiq qaydada həlli ilə əlaqədar aidiyyəti üzrə konkret tapşırıqlar verdi.